一向搞作多多嘅 Kanye West  早前同 Ty Dolla $ign 打造全新嘅專輯《Vultures》，並公開專輯嘅周邊產品，當中包括一對價值200美元嘅襪套鞋「Pods Sock Shoe」，引起人們熱議。

呢對價值200美元嘅襪套鞋「Pods Sock Shoe」以彈性針織材料製成，並可以好似一對襪咁拉長至穿著者的小腿中部，雖然佢嘅外形同對襪一模一樣，但其實佢都係有專用「鞋底」－Kanye West 特意為呢對鞋特意設立薄橡膠鞋底，為呢對鞋提供一定嘅緩衝性，唔會真係好似着咗對襪出街咁～

雖然 Sock Sneaker 襪套鞋概念並唔係第一次出現，不過就好少好似「Pods Sock Shoe」咁同對襪一模一樣，雖然著上腳非常舒服，但對鞋嘅保護性同耐穿度就受到人們質疑。

唔知各位Menclub讀者會唔會考慮入手呢對「Pods Sock Shoe」襪套鞋呢？