現時炒家當道，有好多 Sneaker Head 都抱怨幾乎無可能正價買到心愛嘅鞋款，都幾乎要「食炒」先可以入手。而最近有一間墨西哥鞋舖為咗避免助長炒風，就推出奇招，希望能夠令真買家可以順利買到佢哋嘅愛鞋。

早前《飛天小女警》同 Nike 聯乘嘅 SB Dunk Low Pro 鞋款消息發布後，唔少人對呢對鞋都大感興趣，因此引嚟唔少炒家對呢對鞋虎視眈眈，希望從中獲利。不過墨西哥有間鞋店為咗杜絕買家，比一啲真心鍾意呢對鞋嘅客人可以以正價買到呢對鞋，於是就推出「特殊抽籤」嘅活動，表示要肯 Cosplay 成自己鍾意嘅小女警，就會有較大嘅機會能抽中呢次嘅聯名鞋款系列。