Moschino創意總監Jeremy Scott

當你見到Jeremy Scott所主理嘅同品牌女裝系列，又Barbie、又M記、又海綿寶寶，你大概都有心理準備，諗到男裝都唔會低調得去邊，2016春夏男裝絕對合乎大家預期，由模仿法國國王路易十六、至電單車手、到意大利冒險家及作家Giovanni Casanova，你完全捉唔到路，佢嘅靈感從四方八面而嚟，唔會有統一方向，唯一一致嘅就係佢用色大膽，黃x橙、桃紅x黃、粉紅x金，只要係你平時唔會著到嘅顏色，你就會係佢嘅設計上面見到。

呢位來自美國嘅設計師，將奇異一詞完全反映係新系列之中，例如，為男模紮上「春麗頭」，襯上全粉紅色花花圖案綴藍邊biker，但襯一條同色同圖案嘅七分tight，再非常無敵地襯一對閃石粉紅色loafers，佢仲嫌唔夠勁，係春夏季度中，搭多條fur scarf先肯收貨，又有多套要穿「底橫」及boxer上陣大騷身材，玩就當然好玩，但要這種踩鋼線的系列大賣，似乎是一件不可能的任務。