當中，向來走「狂野派」路線嘅Vivienne Westwood，就係力撐露「底橫」嘅中堅份子，2016春夏男裝騷入面，不斷為男模設計露「底橫」裝上場。

對於玩弄body，Westwood女士不嬲都好有計，經常性地挑戰視覺，普普通通一件衛衣上面，都要掛個疑似女人雙胸clutch係心口到攞彩，最正係，佢將男女元素定位摸糊化，近幾季男裝潮流，都流行涼鞋元素，Westwood就照大勢而行加入涼鞋item，但用咗大花裝飾……當然，佢亦有推出類似B記兩粗帶設計。

呢位向來設計大膽嘅英國女設計師，佢對於政治不嬲都有訴求，今次佢就係唔少設計上，都刻意印有「Politicians are Criminals」。

坦白講，Westwood最癲狂時期已經過去，前半段雖然又露底、露心口，但後半段已經差唔多回覆正常，有唔少老正素色西裝上場，無計啦，設計師都要搵食嘅。