Jordan Brand今年成立30周年，品牌除咗出鞋出衫做聯乘作紀念之外，亦為「籃球之神」嘅母校送上小小心意，出錢出力幫體育館重新裝修，由頭到腳進行大翻新，新館以藍黃色為主調，理所當然地周圍都會見到Jordan Brand嘅招牌飛人標誌。

無論地板、門口、燈光，都全面地重整，裝修後，學校亦特設範圍專門擺放有關Michael Jordan嘅物事，例如，佢本人著用嘅球鞋型號及球衣、獎杯展示、成長歷程及球場故事。Michael Jordan本人就提到，對於今次母校進行翻新工程，希望可以藉此鼓勵校內學生，擁有全新環境下繼續俾心機。