琴日小編睇新聞，報導話零售市道增長放緩，無論鐘錶、珠寶、護膚品牌方面嘅生意額均全面向下跌，有部份仲大跌咗四成咁多，又話因此可能縮減鋪頭數量乜乜乜，仲話呢個情況有機會持續落去，睇到都覺得牙煙。

不過呢，個市場幾咁不濟都好，完全都對Nike無影響，品牌旗下產品繼續大賣，身為世界球鞋品牌一哥，琴日就宣佈2014-15年嘅財政年度，比去年同期賺多咗10個巴仙，合共三百億六千萬港元，聽到咁嘅數字，成班高層同股東仲唔即時笑到見牙唔見眼，而呢幾百億裡面，我哋都有份幫手助攻嫁！

Air Max 1

Roshe Run

品牌特別提到生意收入增加嘅原因，最主要係源自Roshe Run及Air Max 1型號非常之咁好賣，而CEO Mark Parker特別地提到，Flyknit鞋款將會係公司未來重中之重嘅發展型號，設計上會繼續地尋求突破。

Flyknit