唔少男士對長身衫都無乜好感，一來著慣標準T恤款唔識點襯，二來身型問題怕著到好累贅。

其實駛乜驚咁多，只要你識得點針對身型比例，再去衡量襯衫方法就著咩都無問題，就算長身衫都無有怕。

長身T-shirt

以長身item嚟講，T-shirt一定係最易上手，最簡單嘅襯搭方法，必定係下身襯窄身cutting嘅長褲，有效地將下身拉長，以消除上身可能引致嘅累贅感。另一個方法，可以襯搭legging，長度大約七分位置，再襯搭運動鞋已經好好睇。

長身Cardigan

時下流行loose cut針織長身外套，為咗突出佢嘅輕盈感，建議內襯fit身衫，無論T-shirt或恤衫都好，將焦點集中外套身上，若然再襯鬆身衫係底，只會令上身泡泡感滿戴，下身就同樣地襯窄身cutting嘅長褲。

長身Shirt

長身恤衫可能會比較少人選擇，相對亦較難處理。要襯好長身恤衫，先要選擇直身cutting，而長度就大概去到大腿一半位置，再配合下身襯深色窄身褲，咁就減低將個人身型拉短嘅風險。

長身Vest

選擇呢類型嘅背心，首要鬆身、物料軟滑及有褶紋效果，突出relax、feel free感覺就最好，呢個亦係長身背心嘅特質，同時，為咗配合佢自由奔放嘅氣場，大家都可以選擇下身襯搭運動風短褲或吊腳褲，唔一定要襯窄身短褲嫁。

部份圖片來源︰FASHIONBEANS.COM