講到揀底褲，男人揀女人底褲，可能仲熟手過揀自己嘅底褲。白色底褲最純情，絲質底褲最好摸，綁帶底褲最易剝，T-back底褲最性感……每個男人可能對女人底褲都有佢嘅一套，但講到揀男人底褲，就求求其其，著得就算，有啲甚至解釋唔到，點解自己要著三角底褲、Boxer又或者貼身四角底褲，問到原因，可能會答你，細個老媽子買畀我著，著慣咗，咪而家都著呢款囉！Come on James！大個仔，有主見啲，唔好人哋畀咩你就著咩。其實揀底褲都有一套學問，唔同底褲都有佢嘅功能，埋嚟學吓嘢，睇吓邊款真正啱你？

三角型內褲
三角型內褲適合腿部肌肉發達嘅人，著上去唔會覺得拘束，腿部可以得到最好嘅伸展。而生殖器官都可以得到完整保護。不過過胖嘅人以及下半身雄偉嘅人，就唔太適合著三角型內褲，佢哋著上後，可能會覺得有過於繃緊嘅束縛感，同埋夏天會覺得感覺太悶熱。