有啲人非常喜歡著西裝，畀人感覺好Gentlemen；有啲人唔鍾意著西裝都要著，冇計啦，返工需要嘛。無論你咩原因著西裝都好，面對熱辣辣嘅夏天，著西裝又熱又焗簡直係攞你命，究竟夏天點樣著西裝先會舒適又有型？學嘢啦細姪！

1.著淺色系西裝
夏天著西裝，可以先從顏色入手，選擇清爽嘅淺色系，除咗冇咁吸熱，視覺上都較為清涼。如果擔心粉藍、粉紅等粉嫩色系太女性化，可以選擇白色、淺灰、米色、淺卡其等較為涼爽又中性嘅顏色。如果係工作需要而著西裝，建議著淺灰色系西裝，唔單只視覺上睇落更輕盈，而且整體感覺都會較年輕。