有冇諗過，有時去買拖鞋，總會覺得 size 係好難啱啱好，一係太大，一係太細，成日都覺得唔舒服；有見及此，日本藝術家 Satsuki Ohata 就諗到，用 cheese fondue 嘅原理，利用超高溫嘅 PVC，去製作一對倒模嘅拖鞋，務求每人都可以有一對獨一無二，而且啱啱好嘅拖鞋。過程好簡單，揀啱顏色，將對腳放入桶嘅特製油度，攞返出來，烘乾佢，之後就完成。

不過有啲唔係好明，因為佢話係用200-300度（攝氏）嚟吹乾先可以成形，但明明啲油已經上咗對腳，咁又點可能用呢個溫度嚟吹住對腳？

點都好，日本仔話佢好快會將呢樣嘢正式推出市面，到時就睇吓你點威法。