好多人去阿姆斯特丹，都係為咗可以合法隊草，呢個概念唔可以話錯，但一定唔應該係個旅程嘅一切。先要知道，呢個城市大部份旅遊名勝，都係集中喺運河一帶，不過有一個名叫 de Baarsjes 嘅地方，以前係一個好雜嘅住宅區，不過近年好多新晉藝術家都係呢度創業，貪租平，Tijmen Receveur、Bruno Bont、Dirk Hoogerwerf 三位年輕創業家，就決定喺呢個地區開一間酒店。酒店位置原本係一個購物商場，後來被三子取得地點後，就改裝成一間另類酒店，除咗每間房，每個區都各有特色之外，仲要有一個可以觀鳥嘅看台，淨係睇相都覺得值得去啦。不過，喺香港，應該唔會發生到，因為最雜嘅區，舖租都係好很貴的。