相信唔需要係《Star Wars》，都會迷戀呢系列電影嘅副產品，不過來來去去都係玩具模型文具，有幾何係一件出得到大場面嘅東西？Paul Michael Design就有遠見嘞，將戲中飛船Falcon作靈感，然後設計咗幾款女裝戒指，淨係睇款都超爆型，不過賣點係佢選擇用貴嘢去打造，當中包括有鑽石同寶石，售價大約由$61,800起跳，絕對係一分錢一分貨。訂造大概要等六至八個月，我諗要好中意好中意星戰，先會買喇。