買Bra送畀她，需要面紅嗎？

文：MenClub Mean娜　　圖：MenClub
POSTED ON 11 Jul 2014

提到女性內衣，男人都會湧現無窮幻想︰純潔嘅白色胸罩、性感嘅黑色喱士、惹火嘅紅色內褲、可遇不可求嘅粉紅色╴╴……諗起都興奮。但鍾意還鍾意，但男士們又點會有勇氣踏入女性內衣店，親手買心儀嘅Bra Bra送畀女友？

樓上來的Bra Shop 如果有一間女性內衣店，又大又靚又多Bra揀，仲要係樓上鋪，唔會令大男人尷尬，咁都幾好喎。位於中環雲咸街，就有一間私隱度高嘅女性內衣店，可以畀男士們自在買Bra，老闆Lisa仲特設寬敞又隱密嘅Fitting Room，等男士可以陪埋女友入去畀意見。

特別的賣Bra技巧講到除Bra，男人當然手到拿來，但要揀Bra，就往往係「零知識」。Lisa特別訓練員工，幫男士解決買Bra疑難。她總結經驗發現，男士購物唔似女士咁慢麼麼，鍾意速戰速決，所以當男顧客甫入店舖，店員就即刻查詢︰「係咪買Bra畀女友？」、「佢咩Size？」、「手機有冇女友嘅相？」、「冇相？咁身形似我定似佢（其他店內的同事）？」、「你鍾意咩色？」、「鍾意Sexy定Cute？」、「鍾意呢件定嗰件？」……務求令客人唔覺得會嘥時間，而且更令男士們覺得買Bra係好Normal、好Easy。

iPad胸都冇難度伴侶身材曼妙，買衫當然無煩惱，但不少香港女士都頂住個「iPad」胸，較難有內衣令佢哋性感誘人。Lisa特別從多個地方引入超過20多個國際內衣品牌，當中有男士鍾意嘅黑色粉紅色性感喱士，亦有塑造優美胸部線條的品牌，例如Mimi Holliday、Chantelle及The Little Bra Company。

沒有束縛的Bra 我懂的，男人喜歡的內衣都離不開少布少布同少布。但好多女士反而鍾意布料面積大、棉質，顏色與皮膚相近，剪裁較傳統的內衣，原因？當然係舒服、方便易襯衫。坊間有部份內衣店會將講求外形或實用性的內衣分開。Lisa回想由美國回流香港初期，難以在香港買到又靚又舒服兼可以襯衫嘅Bra，亦有感本地合心意的內衣品牌少，而店員又對內衣的知識不足，所以決定自立品牌開Bra舖。Lisa坦言自己由一張白紙開始，且要冒相當風險洽談各內衣品牌代理權，幸好她是「Marketing人」，以往亦曾創辦與女性美容相關的品牌，所以在設立「Sheer」過程中，挑戰大，但總算順利。

「Hint to My Man」 Lisa要求員工對Bra的cup size有敏銳的觸覺，唔使用尺～憑眼已睇得出上圍吋數及cup size。男士們只要自備伴侶的泳衣照或穿著較貼身衣服的近照，店員已可目測你honey的「size」。如果你仲唔放心驚買錯，可以叫伴侶先行試Bra，再讓男士從中挑選。
內衣補習班 Lisa覺得其實大部分女人對內衣都好多誤解，又或者傳統觀念覺得胸圍本來就係會著得唔舒服，所以有不少女仕都會著錯胸圍戴錯Bra，她特別開設免費課程畀女士們重新學習內衣嘅知識。咁大間Bra舖，我都明白會令人睇到眼花撩亂，所以我哋已經事先視察咗店內嘅內衣，為各位搵出終極性感Bra Bra。呢套黑色喱士內衣，胸前兩點繫著蝴蝶結，似是可愛其實內有乾坤，只要輕輕拉開蝴蝶結，你就會見到……見到乜，你懂的！