C朗牌小內褲

文：MenClub Mean娜　　圖：互聯網
POSTED ON 14 Aug 2014

好多球星都為著名內衣品牌做過廣告模特兒，除咗酬金可觀，自戀都係促使佢哋賣肉嘅一大原動力。魯尼就喺自己本書提過，C朗每次落場前，都會半裸企喺鏡前細心觀察自己的身材同樣貌，可見佢嘅男性魅力唔單止迷倒各大品牌的公關人員，連佢自己都深陷其中！
近日C朗再為自己品牌的內褲系列造勢，大Show佢完美嘅胸肌腹肌背肌同人魚線。今次佢同設計師Richard Chai合作，推出個人內褲系列CR7。




C朗提過，能夠推出個人品牌嘅內褲一直係佢夢想，好開心可以實現夢想，首次推出嘅內褲銷情亦令佢非常滿意。
C朗特意邀請英國鬼才攝影師Rankin負責拍攝今次內褲大片，並喺倫敦、紐約、柏林、里斯本、巴黎、米蘭和馬德里市中心設立巨型廣告。
嚟緊C朗會有更多計劃，除咗內褲，佢亦希望未來可以設計裇衫，向男裝出發。