每年VPN公司NordPass都會公布最常用密碼排行榜，提醒大家唔好用啲弱雞密碼，今年冠軍毫無懸念依舊係「123456」，而亞軍同季軍都係123456789嗰類嘢。除咗純數字之外，大家都好鍾意用歌手名、品牌名、球隊名做密碼，當中最受歡迎嘅球隊就係「Liverpool」！

NordPass透過4TB外洩資料檔案統計出最常用密碼，其中全球50個國家入面有成1.03億人用緊「123456」做密碼，其次難少少嘅「123456789」都有4600萬人用緊，前20名不外乎都係「123123」、「password」、「qwerty123」嗰啲常見組合，黑客唔使1秒就可以破解，所以大家set密碼記得避開呢啲組合。

另外，NordPass統計期間亦發現咗幾個有趣現象，好多人都鍾意用自己個名做密碼，法拉利同保時捷相當受歡迎，而最常被人拎嚟做密碼嘅球隊就係利物浦。相比起女性，男性更鍾意用粗口嚟做密碼，而女性用「iloveyou」做密碼嘅比率高於男性。

如果齋睇英國人常用密碼排名，係咪反映緊邊隊球隊受歡迎啲？