Apple作為全球價值最高嘅公司，其iPhone手機繼續深受市場愛戴，除左最新嘅iPhone13旗艦系列外，價格最抵玩嘅iPhone SE系列亦有唔少支持者，其中最新一代嘅 iPhone SE3 (暫名) 預計有機會明年首季就會推出。

iPhone SE系列一貫都係以前代嘅手機配件組合而成，而尺寸亦會較細部輕巧，但價錢卻要平上不少，所以市場上有唔少人每逢推出新一代SE先會選擇換機，貪其性價比最高。

而今次全新嘅SE3，外界預計將會推出4.7寸屏幕，但卻會搭載目前最新嘅A15晶片，而鏡頭功能亦會大幅提升，但究竟會唔會繼續保留touch ID就仍係未知之數。另外，估計其售價應該會繼續維持喺400美元左右，亦即係3千幾港元就可以入手了。