韓國於2021年可以話勢不可擋，唔單止一眾韓團威力驚人，再加上《魷魚遊戲》熱爆全球，令韓風喺今年牢不可破。食住呢個咁強勢嘅韓風，作為韓國地道美食龍頭嘅「新世界韓國食品」繼去年喺九龍及港島區開設分店後，近日正式殺入新界西，於屯門核心開設分店。

「新世界韓國食品」日前唔單止喺屯門插旗，北角嘅分店亦宣佈進一步擴張，新增 Body & Me 專門店，而升級後全店面積接近 6,000 呎，並加入唔少韓國地道特色佈置及加設全新濟州專區，為大家帶來一系列特色 K-health 健康商品，令未能飛到韓國嘅你滿足購買韓國特色產品嘅慾望。

講番屯門新店，今次佢地就一口氣集結多個韓國品牌，好似韓式醃肉專門店「 Chef & Taste」、韓國伴菜專門店「 BANCHAN」、韓式便當專門店「 O’taste」及韓式超市「 New World Mart」呈獻逾數百款韓國地道熟食、食材及零食，咁樣就算喺大西北都唔使下下出韓國街買韓國食材啦。 

而新店開張又點少得優惠，簡單講幾樣比大家聽，好似精選產品會以超低價發售(每日限量)、指定產品折扣、部份產品買一送一，其中最引人注目嘅相信就係喺開幕期間出示有效身份證明文件，如英文姓名內含有「Korea」其中三個英文字母，即可於屯門店獲贈 GNM 巴西莓果汁乙包 或 Q版防彈少年團朱古力乙粒，數量有限，先到先得架！