對於波鞋迷嚟講，屋企有十零廿對鞋已屬等閒，但大家又會點樣收納呢？最近LG就喺德國IFA消費電子展示一款高科技波鞋展示櫃，啱曬一眾Sneakerhead ！

呢款名為Styler ShoeCase嘅智能鞋櫃採用側透設計，能有效隔絕紫外線，並內置360度轉盤，方便用家喺屋企展示各種心儀波鞋。另外，鞋櫃更內建TrueSteam清潔功能，能針對唔同鞋嘅物料，如皮革、麂皮、絨面等，透過多組可移動噴嘴釋出蒸氣清潔鞋面，並透過Zeo-Dry功能吸濕去異味，保持波鞋乾燥，避免發霉。

另外，產品亦支援LG智能家居應用程式ThinQ，用家能可以透過App遠程控制及監控鞋櫃，Check吓對鞋清潔完未、實時濕度、控制展示等等。官方暫時未公布上市日期及售價。