之前同大家報導過AV女優「深田詠美」被追8000萬Yen欠稅，後來佢經理人出黎爆料指「深田詠美」2018至2023年淨係拍片收入都有1.9億Yen（約HK$920萬），或者會令大家以為AV女優都賺好多。但大家唔好忘記，「深田詠美」曾經係超一線女優，拍片量同片酬都遠超同儕。事實上即使頗有名氣嘅女優，都唔見到能夠過非常富貴嘅生活。好似前SOD、現Kawaii*專屬女優「西元めいさ」，近來就於X（Twitter）公開全副身家，分分鐘比你依家身上嘅現金都仲要少。

お金返さない本人は幸せ〜なんて呟いてて
私の悲しみなんてちっぽけどころかゴミクズよりもどうでもいいようです
他にも沢山被害者がいて私の方に連絡きてます
騙されないで下さい
平気で嘘をつき友人からお金を借りては返さないを繰り返してるみたいです。
被害を止める為にも広めて下さい。… https://t.co/li1bmgEOnV pic.twitter.com/Vkixv2RTcP

— 西元めいさ【AV女優】【アイドル】 (@nishimotomeisa) June 30, 2024

話說上月30日時，「西元めいさ」自爆之前借咗50萬Yen畀一位於主題Cafe工作嘅「女裝男子」友人，但對方到期仍然冇還錢。「西元めいさ」更表示以佢所知，呢位友人除咗向佢之後，仲向其他人借咗錢，而且全部都冇還到，所以呼籲各位小心，唔好再上佢當。

而7月2日時「西元めいさ」就再次發文，貼出自己嘅銀行結餘，可見戶口入面只有38895Yen，即約HK$1900左右。佢留言到「這是現役AV女優嘅全副身家。真係低到不能再低」並強調自己並非沉迷牛郎店或者主題Cafe，亦即啲錢唔係佢揈走哂，係真係窮。

呢個帖文吸引到過百萬次觀看，當中唔少網民都留言表示對知名女優竟然如此拮据感到難以置信，但亦有表示對「西元めいさ」正直地講出真相而有好感。

現役AV女優の全財産はこちら
どん底すぎるw
※ホス狂でもコンカフェ狂でもないです pic.twitter.com/Ue7d7VMVNx

— 西元めいさ【AV女優】【アイドル】 (@nishimotomeisa) July 2, 2024

2021年於SOD出道嘅「西元めいさ」，於加入AV界前曾經係地下女團成員，出道後亦一心繼續發展偶像事業，目前除咗拍片仲係「JUGS MAFIA」嘅成員之一。樂於透過社交網站更新近況及與網民互動嘅佢，X上亦有超過21萬追蹤。但即便佢有一定名氣，加上自2021年到目前都係專屬女優、穩定拍片，佢嘅收入就似乎都係捉襟見肘。或者會打破外界認為AV女優「除衫就可以賺大錢」嘅迷思。