為咗追逐偶像演員夢而綴學、轉校嘅故事大家應該聽得多，但今晚要介紹嘅呢位「森嶋あんり」，就反過來係因為想轉校所以先成為偶像，究竟係因乜解究佢會有咁嘅選擇呢？後來加入偶像團體嘅佢又係咪不情不願嘅呢？

現年22歲嘅「森嶋あんり」係一名日韓混血兒，據佢早年接受媒體訪問時透露，其實佢細個嗰陣係好鍾意偶像，而且不論二次元、三次元偶像都鍾意，仲曾經參加過乃木坂46、欅坂46、Last Idol等多個團體嘅徵選，但全部都落選而回。於是佢就嬲嬲地放棄偶像夢，轉而去玩Cosplay，點知反而因為玩Cosplay而收到日本著名經理人公司01familia嘅邀約。但因為當時佢覺得自己冇可能成為偶像，所以對01familia己讀不回。

但到高中二年級時，佢就因為同同學相處唔黎打算轉校，但轉校係需要一個強而有力嘅理由，呢個時候佢就突然醒起自己有封「經理人公司邀約」喺手，所以就向學校表示自己係為咗加入經理人公司而轉校，最後成功轉校之餘亦真係入咗01familia，開始演藝活動。2020年時，佢再獲公司安排加入偶像團體「#2i2」白色擔當。講開又講，佢同團嘅「十味」、「天羽希純」及「奥ゆい」我哋之前都曾經介紹過，大家不妨去睇埋啦。

IG：an_chuu122