Hublot玩All Black其實都玩咗10年，Basel出呢隻Big Bang Unico 藍寶石黑水晶錶可以話係10周年作品嚟。成隻錶由一整塊透明藍寶石水晶雕琢而成，打磨之後加上黑色金屬塗層，強化咗色澤同質感嘅同時，又保留到原本應有嘅透視性。

做得透視藍寶石黑水晶錶殼，自然係走通透路線啦，複雜嘅透明黑色拋光合成樹脂鏤空錶盤，直望到自家HUB 1242 UNICO 自動上鏈機芯、導柱輪裝置。直徑45mm嘅錶殼，唔算好大，但成件黑色嘅設計令佢質感十足。

錶冠用咗黑色橡膠同黑色PVD緞面拋光鈦金屬，時標、指針有黑色夜光塗層，3點位有個日期顯示。PVD鈦金屬折疊式錶扣加黑色透明結構，成隻錶就變到All Black啦。全球限量500隻，售價等Update。