Finissimo 係意大利文，有「超薄」嘅意思，之前BVLGARI隻Octo Finissimo陀飛輪就係世上最薄嘅陀飛輪。今次BVLGARI繼續挑戰鐘錶界3大高超工藝 (三問、陀飛輪、萬年曆)，創造出只有3.12mm嘅BVL 362機芯，唔好話三問錶，連普通機芯都好少做到咁薄。

40mm鈦金屬機殼，全隻錶厚度為6.85mm，面頭八角型簡約風錶盤，雙針加小秒盤，但底蓋你會見到呢隻咁勁嘅BVL 362機芯。機芯雖然細，但都叫提供到約42小時嘅動力儲存。

作為一隻三問錶，首要標準一定係個聲，而呢隻Octo Finissimo Minute Repeater以鏤空設計擴大錶殼空間，提升共鳴嘅效果，而鈦金屬低密度特性亦對聲音擴散有幫助。

發聲嘅圓形音簧喺錶殼之上，由人手獨立裝飾製成，報時裝置嘅啟動按鈕響9點位，同時亦有一個「all or nothing」嘅保護裝置。BVLGARI Octo Finissimo Minute Repeater暫時售價係待定嘅。