為葡萄酒開咗要盡快飲呢個問題，近年來科學家們都奇招盡出，有我上次講過嘅 Kuvee Smart Bottle，又有Coravin嘅開酒器，全部高科技設計，但原來坊間有個法寶，係用Condom嘅概念去套住啲酒，仲要Amazon只係賣10蚊美金一盒 (有6個)，其實都幾抵玩。

唔好以為呢個係惡搞產品，Wine Condom 曾經上過NBC、CNN、LA Times、Wine-Searcher等大型媒體、報章雜誌，講明唔係得個樣。Wine Condom 係 Wine Stopper 嘅一種，用法唔需要我多解釋啦係咪?

好處 : 唔駛用返個木塞做Stopper咁麻煩，一個套Fit到99%葡萄酒樽，套入去唔會增加枝酒嘅高度，擺返入酒櫃、雪櫃無難度。另外，一個Condom夠細夠輕，你可以擺入銀包，等情到濃時，隨時隨地使用，唔需要每次都趕住返屋企。

質料係100% rubber，唔駛驚有咩化學嘢，但佢仍然建議你每個condom用一至兩次就要丟啦，喂，你真Condom都唔會re-use啦下話? 自用固然正，送禮都唔錯，Tuxedo 設計，金色包裝，女士們送俾心儀男生，佢實會自動送枝酒上門，後面嘅事，你地自己拆掂。

Source : http://winecondoms.com/