Sugarfina係紐約一間賣貴價糖果嘅店舖，佢地醒目之處在於識得玩大人嘅市場。其實大人都需要食零食架嘛，咁何不唔利用成年人強大嘅購買力，出一啲比較貴，但大人又喜歡嘅糖果? Sugarfina 之前已經有一隻 Champagne Bear 糖，而家再推一款Rosé Gummy Bear，引起咗一陣瘋狂嘅搶購潮。

Rosé熊仔糖其實係無酒嘅，對酒精敏感嘅朋友唔駛擔心，佢地無加、無浸過任何酒液，只係用葡萄或其他果汁去模彷Rosé Wine嘅風味。最重要係，呢隻Rosé Bear 好靚 !! 第一時間諗到送禮一流，女仔多數都會鐘意。

雖然話係貴價糖，但成年人真係輕鬆購買，經外國媒體Bustle報道，Rosé Bear 而家賣緊 US$8.5 一盒，約3.9盎司，而一磅買則為US$34美元。下次去紐約，一定要去探訪吓呢間位於Madison Ave嘅Sugarfina，就算買唔到Rosé，佢仲有超過130款糖果任你揀，肯定食到停唔到口!