「M.I.L.T.F.」你就聽得多，「Mr. Steal Your Grandma」你又聽過未？唔好以為女神猛男先可以做網絡紅人，外國網民話呢位五十四歲既爺爺，Irvine Randle 直頭CHARM到可以「偷走你呀嫲」。

網絡世界就係咁估你唔到，有一日無啦啦佢個女碌到成個Twitter都係老豆啲相，網民仲create左個hashtag俾佢叫 #MrStealYourGrandma。本身佢個IG得300個Followers，而家已經暴升到137K，仲上埋外國既MORNING SHOW。全因為一副與年齡不符既BODY，一陣陣不羈既佬味，同令人驚喜既穿搭術。搞到佢就無論嚮咩地方，都好似漆黑中嘅螢火蟲一樣，咁鮮明，咁出眾。

Irvine Randle 除左身材又FIT又識著衫，原來仲要係一位教三年級生嘅老師，散發父愛。有內涵又有外涵，唔好話Grandma，mother都被佢Steal埋。

留意返，其實邊有人一出世就咁型仔呀？佢係網上透露，佢既fashion sense係由佢初中開始，呀媽監住佢揀衫著衫訓練出黎，自己又會睇時裝雜誌攞下靈感。又話自己係靠健身同調節飲食先有咁既身材。拿～所以就算你覺得自己輸在射精前，都唔代表輸一世架～加油～