留落荒野呢個講法可能太誇張，但大家睇新聞都知，先進有如香港嘅城市，都不時發生天災人禍，到時除咗可以唱「臨危時求求上天庇佑，啊!!!」之外，最可靠嘅就係自己，尤其手上戴住隻Ascent Survivor，隨時可以救你一命。

Kickstarter如果班友仔唔走數，唔遲出貨，實在係一個幾好嘅平台，尤其啲新錶款好多都好有誠意。Ascent Survivor係專為戶外活動而設嘅腕錶，香港用嚟行山其實都唔錯。

黑色磨砂錶殼，夠硬淨、耐用係基本，錶帶用咗一隻叫「550 Paracord」嘅物料製成，可以承受足足550磅力。

48mm錶殼，厚度為12mm，錶盤比較簡單，一個標準日期示窗，大三針，夜光塗層，機芯係Citizen、細廠常見嘅日本Miyota，型號為2315 Quartz。

錶扣嗰度有迷你指南針，求救用哨子，仲有Striker配搭Ferro Rod等你可以喺野外生火。野外求生基本理念，定位、生火煮食，一隻Ascent Survivor已經可以滿足到。最吸引嘅地方，Early Bird一隻只係 US$95，預計零售價為US$119。

Source : Kickstarter