每日1杯咖啡/奶茶
唔少上班族為了提神，都會飲咖啡/奶茶。雖然咖啡同紅茶本來唔會令人變肥，但係你加加埋埋啲奶同埋糖已經夠高卡路里！每日咁樣飲，好難唔變大肥仔！

唔食早餐
好多香港人都來去衝衝，朝早花時間食早餐，不如瞓多半個鐘好過。Skip個早餐直接食Lunch，仲可以慳返一餐，抵丫！但其實唔食早餐會令血糖降低，饑餓感會令你下一餐想食高脂肪高糖份嘅食物，反而令你更容易肥！

不定時食飯
成日唔定時食飯，會破壞身體嘅消化節奏，當你長時間空肚再突然大量進食，就會增加胃嘅負擔，導致消化不量，令身體容易致肥。

即食食品代替正餐
好多人都會貪方便，食個公仔麵就當做Lunch或者Dinner，但係唔講都知，公仔麵除咗有超高量嘅味精同熱量，食完仲令人好易水腫，仲一啲營養都冇，成日咁樣食，想唔肥都難啦！

唔做運動
好多人都覺得食少餐就當減肥，唔做運動應該都冇咩影響。但事實上，如果唔做運動，又食無定時，咁反而容易令體重反彈，愈減愈肥。

怕肥而著鬆身衫
Mean娜都有肚腩仔，所以特別鍾意著鬆身衫，貪在唔使成日縮肚。但咁樣只係鴕鳥心態，令自己冇警戒心，變得愈來愈放縱，愈來愈肥。