陪父母時間少了
人大咗，就會花更多時間經營自己嘅生活，終日掛住返工應酬、陪吓另一半同小朋友，愈來愈少時間花喺父母身上，到突然有一日，發覺自己爸爸媽媽已經好老，可以陪住佢哋嘅日子愈來愈少，就會後悔愛得太遲。

忘記了夢想
好多人話夢想都係不切實際，所以大部分人都選擇接受現實，打份穩穩陣陣嘅工，放棄好多自己想做嘅事以及興趣，終日淨係諗點樣賺更多錢，最後被生活折騰到忘記為自己而活，只能成為生活嘅奴隸，一切自己想做嘅事，都不得不放棄。

錯過了很多時機
機會可一不可再，Timing真係好重要。好多時人大咗，不知不覺將工作放喺最重要地位，而忽略了身邊好多事物，錯失了好多時機，例如同老朋友嘅飯局、小朋友嘅運動會、周年紀念日等等，要知道呢啲回憶都係用錢買唔返。

唔夠愛惜自己
年輕時總係狂妄，覺得自己要活在當下，所有嘢都係以即時感覺為先，冇好好考慮將來，於是可能做過好多錯誤決定，甚至曾經放棄自己。到人大咗，回想當初，就會覺得點解以前唔好好愛惜自己呢？

唔注重健康
後生仔恃住自己身體好，就任意妄為，成日捱夜放縱自己，又唔注重飲食營養，又食煙飲酒……到年紀大咗，身體唔及從前，開始多咗小毛病，就會後悔點解以前唔好好注意自己健康，搞到人大咗周身病痛。

冇勇氣
小時候，好多時唔敢做係因為驚；但係人大咗為了生活，好多時做事都會愈來愈謹慎，顧慮呢樣顧慮嗰樣，反而會後悔細個咁Free嘅時候，咁冇負擔嘅時候，點解唔鼓起勇氣去做更多想做的事。