本來仲有幾個月，大家就可以睇奧運，但依家呢個時勢呢…好有可能要等多四年！你話等多四年等好耐？睇下呢位「Olivia Dunne」可能會令你日子過得輕鬆啲喎！

Olivia係2002年出世，今年啱啱好滿18歲嘅佢出生於新澤西州，由三歲開始就已經練體操、五歲就開始比賽，更係成為美國有史以來最年輕嘅體操精英運動員，2017年更加入選美國少年體操代表隊，目前以體操獎學金入讀路易斯安那州立大學。根據佢呢份往績，相信只要保持健康，要喺奧運見到佢都唔係難事！而且你睇下佢IG啲相，睇下佢幾咁靚女、練咗成世人體操嘅Body又幾有美感！只要睇到佢上場比賽，等多陣又有咩所謂！