女性嘅胸部本質上係脂肪，而脂肪係唔會只長喺啲「適當」嘅地方，所以上圍豐滿嘅女仔，身體其他部位總會有肉。不過天生畀唔到嘅嘢，可以後天靠努力改變！好似今晚要介紹嘅呢位「美澄衿依」咁，本來就係全身都有肉嘅「棉花糖女孩」，但近年努力減肥30磅，而且瘦人不瘦胸，結果就有大家依家見到嘅肉感身材啦！

現年28歲嘅「美澄衿依」係舞台劇演員出身，早於21歲時就已經加入家鄉福岡嘅劇團而出道，並慢慢累積人氣。其爆紅契機在於2021年時以「夢咲 衿佳」之名參加雜誌《週刊Young Jump》舉行嘅「Gal Con 2021」水著徵選，憑住日美混血兒嘅外貌，再加上H Cup豐滿上圍而獲得亞軍。同年9月換咗經理人公司及改成依家嘅「美澄衿依」之名後，就更加係又出寫真DVD，又出電子寫真集，以寫真為主要活動。

早年嘅「美澄衿依」雖然唔算肥，但手臀、大腿以至個肚腩仔都明顯見到有肉，再加上本身塊臉就比較圓，所以被冠以「棉花糖女孩」嘅稱號。不過去年佢接受訪問時，就指自己開始拍寫真後努力減肥，兩年間瘦咗近15公斤。睇佢近年嘅寫真，亦可以明顯發現佢塊臉削咗、腰圍又緊致咗，難怪佢都話自己已經唔係「肥妹仔」，而係「肉感女」啦！

IG：misumidasu