有人話女仔養寵物係特別吸引，因為會顯得佢更加可愛，又可以建立充滿愛心、識得照顧人嘅形象，再者男仔又多個藉口上去撚下貓玩下狗，撚下玩下就嘿嘿嘿，何等快哉？咁照計呢個「Poisoniva」就應好完美啦係咪？

「Poisoniva」畢業自美國加州大學戴維斯分校，按輩份計，係徐子珊嘅N年後師妹。擁有黑眼睛黑頭髮黃皮膚嘅佢，以某首歌嘅標準會被當係某國人，但其實佢係一名越南及意大利混血兒，亦因為咁佢先會集東西方之美於一身，啲相仲鬼咁養眼。

不過，如果你想搵佢做你女朋友（諗下冇壞呀？），就要三思啦！因為佢雖然係一個鍾意養寵物嘅女仔，但佢養嘅係蟲，蠍子蜈蚣嗰啲蟲！有興趣嘅可以去佢IG睇下佢啲Story慢慢研究，我就唔得啦我驚呀。

poisoniva on Instagram