市面上有唔少能量飲品，例如Red Bull、葡萄適等等，都聲稱可以為你注入Energy，等你唔再攰。不過呢類能量飲品，大多數都係有需要時先會飲用，好少會被人瘋狂搶購。

不過最近日本宅男們，就紛紛搶購一種能量飲品，呢種飲品並唔係有咩神奇力量，可以令男士雄風凜凜或者變成剛而威。恰恰相反，呢種能量飲品，仲要係為女士而設，咁點解會畀宅男清空呢？Um......可能你見到個名，就會明白一二。

被宅男搶購一空嘅能量飲品叫「女神聖水」！女神喎！聖水喎！宅男的創作力量同幻想咁嚇人一跳，又點會唔將兩者聯想到意淫嘅嘢呢？

話說三重縣RIVALAND公司，專為女性設計咗以上呢種能量飲品，但試賣時，竟然唔係被女性搶購晒，而係畀男士們清晒倉，事情非常詭異，令人質疑究竟呢款飲品係咪有咩問題，RIVALAND當然立即表示，呢個係佢哋公司女神系列產品嘅最新系列，並唔係乜嘢奇怪飲品！

當然啦！奇怪嘅唔係飲品，而係宅男們個腦！有購入飲品的日本網友表示，購買原因係因為瓶身嘅女圖，再加埋女神聖水呢個名，太充滿遐想先會購買。