話說話唔少日本女偶像、演員會將水著寫真當係增加人氣嘅踏腳石，但真係要計嘅，都唔係你話想拍寫真就一定有機會拍，唔少人都要入行好一段時間先得到雜誌邀請。不過今晚要同大家介紹嘅呢位「紀内乃秋」，就創下入行0日即獲《週刊Playboy》寫真邀請嘅紀錄，究竟佢有咩咁吸引呢？

出身於日本愛知縣嘅「紀内乃秋」，今年1月先啱啱滿18歲。據知入行前——準確啲係拍攝呢輯寫真之前，佢只係一個初中打籃球、高中做棒球隊經理嘅普通學生。但日本大型經理人公司seju透過TikTok留意到佢，並邀請佢去大阪見面，最終成功簽約，而喺簽約嘅同一日佢就已經獲得《週刊Playboy》邀請拍攝，達成「出道0日即寫真」嘅紀錄。

至於點解經理人公司及《週Play》要搶住要「紀内乃秋」呢？原因睇黎就係因為佢身材實在太好，係典型嘅瘦底大胸，再加上楚楚可憐、稚氣未除嘅可愛樣貌，難怪會被睇好成為帶領「Z世代」寫真女星嘅重要人物。大家都要密切留意佢將來嘅新作啦。

IG：_noah_kiuchi_