自從AI生成圖片技術成熟後，坊間就出現唔少製作並販賣AI「J圖」嘅網民——唔好問我點解會知——亦令人猜測更完美、而且可以按每個人口味生產嘅「AI美女圖」，或會於不久嘅將來取代真人寫真女星，掌管一眾男士嘅下半身。但正所謂有危就有機，今晚要介紹嘅呢位「パピコ」，就係乘住「AI美女圖」大熱而冒起，仲成為雜誌選美冠軍！

先講到明，現年24歲嘅「パピコ」係一位現實中存在嘅日本女子，自2021年起就於個人IG上發佈自己製作嘅性感寫真。或者係因為佢個樣頗有「後天加工」嘅味道，又或者因為佢早期嘅相Filter落得頗為重手，反正就係當時有人誤以為佢只係AI生成美女，結果佢反客為主，以「現實中能碰面的AI美女」為名號繼續創作，成功殺出一條血路。目前IG已有高達12.7萬個追蹤，仲有機會參加劇集拍攝。去年參加日本少年雜誌《Young Animal》舉行嘅「Miss Young Animal」選美仲贏埋冠軍添！

雖然你可以話「パピコ」走紅係食咗AI個勢，你亦可以批評佢個樣的確有陣「味精」感覺，但你睇下佢條毫無贅肉而且有明顯腹肌嘅腰，就知佢都曾經負出過唔少努力。而佢對自己亦充滿自信，當年選Miss Young Animal時就話自己「體力及腦力都不輸任何人」，並以日本第一寫真偶像為目標而努力。各位又睇唔睇好佢呢？

IG：papico__desu