理科素來都係「陽盛陰衰」嘅領域，唔好講職場，就算喺學校你想搵個讀理科嘅女仔都唔係咁易，如果唔係點解有人會話大學理科班只要有個正正常常嘅女仔就一定會係萬千寵愛在一身？而今晚要介紹呢位「小鳥遊るい」就更加唔係「正正常常理科生」咁簡單，而係放於偶像界都係非常可愛——不過佢讀書嗰陣，可能就冇咁受同學歡迎啦！

現年27歲嘅「小鳥遊るい」於大學畢業後被日本著名經理人公司「01 familia」發掘，之後成為日本女團「＃ババババンビ」創團成員之一，同團仲有我之前為大家介紹過嘅「近藤沙瑛子」、「神南りな」等，全部都於日本寫真界佔有一席之地。而「小鳥遊るい」當然亦唔會例外，除咗係雜誌寫真常客之外，去年佢亦出過實體寫真集，憑住超可愛樣貌以及堪比白雪嘅肌膚之獲封「天使降臨」，可見佢外貌有幾出眾。

但點解我會話一個咁可愛、仲要讀理科嘅女仔，喺學校可能唔太受同學歡迎呢？事關佢當年讀嘅係西日本唯一一間國立女子大學、日本名校「奈良女子大學」，換言之佢啲同學全部都係女仔黎，相對之下佢就自然冇咁特別。順帶一提，自稱非常鍾意讀書嘅佢當年喺大學讀嘅「高分子」及「線形代數」，作為一個文科生嘅完全唔知呢兩科係讀咩，但睇落就覺得佢好鬼勁！

IG：pipipi_br