喺呢個瞬息萬變嘅世界，唔少人都會有所謂嘅「FOMO」（Fear of missing out）心態，即係認定機會只會短暫、單次出現，今次把握唔到就冇下次，所以必需時刻留意身邊所有事。但今晚要介紹嘅呢位「美波那緒」，就證明畀大家睇機會係有第二次嘅！因為去年佢都錯失過一次出兗道機會，依家咪又喺到畀大家睇！

未有公佈官方年齡嘅「美波那緒」，係一位於今年五月正式出道嘅新進寫真女星。據佢接受訪問時指出，其實佢於幾年前，仲未開始參加拍攝活動時，就曾經有過出道嘅機會，可惜當時嘅佢無好好把握。或者係因而受到啟發，所以佢於去年五月時就開始擔任攝影會模特兒、六七月時更開始拍攝水著寫真，後來就因為於社交網站上發佈嘅水著寫真照，吸引到另一間經理人公司而獲得第二次出道嘅機會。最終於今年5月推出首隻寫真DVD成功出道。

雖然出道半年未夠，但擁有159cm高、36F-24-35軟萌身材、再加上單邊酒粒可愛臉蛋嘅佢，出道後嘅成績相當唔錯，黎緊8月仲會火速推出第二隻寫真DVD，絕對係寫真界嘅潛力新人之一。目前仲參加緊著名寫真比賽「Miss Flash 2026」，或者有望再進一步。大家亦可以好好期待佢未來嘅新作啦！

IG：_nao_minami