若果以男性嘅審美標準去睇女性身材，咁一定係有啲肉——最好仲係長對地方嘅肉——先係最好睇。但咁又唔代表我哋唔識去欣賞為咗好睇而努力減肥嘅女性喎！好似今晚要介紹嘅呢位「長野雅」咁，就於進軍水著界前用兩個月內減咗10kg，淨係睇呢個數字你都想知佢嘅減肥成果究竟係點啦係咪？

10月3日啱啱過26歲生日嘅「長野雅」，最早係於2018年以HKT48嘅五期生身份出道。不過佢嘅偶像事業就唔太順利，自2020年起就多次因為身體出問題而要停工休養，最終於2023年6月宣佈退團。退團後嘅佢改以網紅身份活動，亦有努力於IG更新個人靚相，但整體人氣都係無咩起色。不過到今年5月時就出現轉捩點，佢先係推出性感寫真集《日常、きみ色》初次展露身材，然後又因為咁而吸引到雜誌嘅寫真邀約，瞬間就令佢獲得一眾男Fans注目。

你唔好以為女星拍寫真就係著得性感啲、擺下甫士就完事。「長野雅」曾於X上透露，自己於拍攝寫真集之前用兩個月內減咗10kg，先有大家依家見到嘅好身材。雖然無對比圖，大家其實唔知佢減肥前身材係咩樣，但單單係寫真集推出之後有Fans盛讚佢擁有神Body、依家又吸引到你入黎睇呢篇文，佢嘅努力都算係無白費呀？

IG：nagano_miyabi0738