大家或者都聽過目前已經係「百歲時代」，亦即人類越黎越長命，於是「老人」嘅定義、退休年齡等都應該相應延後。而今晚要介紹呢位「塩地美澄」，就好可能係寫真界進入百歲時代嘅象徵。事關出道近廿年嘅佢至今依然保持絕好調，即使已達「四十路」都仲係好有睇頭！

現年43歲、出生於北海道札幌嘅「塩地美澄」，早於2005年就加入當地電視台成為新聞主播出道，到2014年退社後挾新聞主播之名轉戰寫真界，亦係我哋創立初期時經常介紹嘅寫真女星。雖然「塩地美澄」近年因為年齡增長而將更多時間放於參加各種電視節目之上，但其實佢一直都有推出寫真集及寫真DVD，可見佢嘅人氣一直都維持於高水平。

甚至可以話，進入四十歲之後嘅「塩地美澄」反而搵到新定位，就係性感中女。近年有關佢嘅報導都不忌諱地稱佢為「四十路巨乳」，甚至有媒體盛讚佢係「奇跡的四十歲」，可見年齡似乎無影響到佢嘅吸引力——事實上年齡對佢似乎亦毫無影響，佢於寫真中嘅體態皮膚不僅依然搶眼，甚至尺度都越見大膽。唔知佢會唔會令大家對「四十路」呢個詞改觀呢？

IG：misumi.shiochi.official