同身邊嘅朋友講起「幾時覺得自己變老咗」時，唔少人都話係「明明生活飲食習慣無變，但就不停變肥」 嘅一刻。事實上「食極唔肥」同「郁兩郁就會瘦」似乎係年輕人嘅專利，好似今晚要介紹嘅呢位「日比谷萌甘」咁，就易瘦到要為咗拍寫真而特登增肥，真係羨慕死人啦！

「日比谷萌甘」現年18歲。據佢早前接受訪問時指，自己從小就係「戶田惠梨香」同「桃色幸運草Z」嘅Fans，所以有加入演藝界嘅念頭，亦曾試過於TikTok上拍跳舞片，但當被同學發現後佢就怕醜到即刻刪哂。後來佢於同媽媽去剪頭髮嘅途中，於原宿被星探發掘，繼而於2022年以女團「シャルロット」嘅隊長身份出道，與我哋之前介紹過嘅「一ノ瀬瑠菜」係同團隊員。

既然隊友都有拍寫真，咁作為隊長嘅「日比谷萌甘」當然亦不能落後於人，所以佢於去年亦同樣寫真出道，而且反應仲相當唔錯。值得一提嘅係，「日比谷萌甘」指自己平時一日剩係食一餐，加上做偶像又唱又跳運動量好大，所以身型一直好都瘦。為咗拍寫真時睇落豐滿啲，仲要特登食多幾餐增肥，先叫做有啲人比大家睇下。佢咁有誠意，大家一家要睇多兩眼啦！

IG：hibiya._moka