近年好多人鍾意鼓勵人哋跳脫舒適圈，勇於接受挑戰。而今晚要介紹呢位「新海まき」，就真係字面上跳「脫」舒適圈。事關一向怕醜嘅佢，於早前推出嘅首本實體寫真集突破自己嘅界線，真係脫衣全裸上陣！佢自己舒唔舒適我唔知呀，我淨係知大家應該睇得幾開心啫！

現年27歲嘅 「新海まき」自小就係一個怕醜妹，據佢回憶細個時經常會匿喺姐姐後面唔敢見人。呢個性格就算到高中時被星探發掘出道、乃至2020年起踏入寫真界後都無咩改變，結果就成為其事業發展嘅限制。據佢講，當時身邊人都覺得擁有165cm身高、G Cup好身材，而且笑容時而療癒時而嫵媚嘅自己極具潛力，但偏偏就係性格所限有欠主動，於只能一直停留於「未完の大器」嘅階段。

不過佢於10月底推出嘅首本實體寫真集，就選擇突破自己，獻出出道以黎最大膽嘅尺度。從寫真宣傳圖中可以見到不但有透點上陣，更有背面全裸嘅畫面，可謂令人血脈賁張。而佢亦非常滿意自己嘅表演，話會畀自己195分，仲希望黎緊可以出第二集添！相信大家應該都好支持啦？