之前我曾經為大家報導過，日本ACG界出現所謂「巨乳通漲」，亦即二次元女角上圍越黎越誇張，於是「巨乳」嘅標準亦變得越黎越高以至同現實完全脫勾。而喺呢個背景之下，今晚要介紹呢位「桜木美緒」就被稱為「動漫系軟糯Body」，咁係咪代表佢身材已經追得上「巨乳通漲」？咁大家就要認實睇下佢嘅寫真作品啦！

2000年出世嘅「桜木美緒」係近年進入日本寫真界嘅新人女星之一，但睇佢個年紀你應該都估到佢之前仲有唔少經歷。據報佢早期曾經以「柏木 柚羽」之名於偶像女團「キャンディzoo」出道；但後來就轉到另一經理人公司，並改名「桜木美緒」於「〈カレイドスコープ〉」第二次出道。2024年佢再換經理人公司第三次出道，最終成為目前團體「イイトコドリ」嘅成員之一。亦正因為新公司SPJ Entertainment旗下有唔少寫真女星，於是佢亦順理成章地於去年寫真出道。

出道不足一年嘅情況下，「桜木美緒」已經出過三隻寫真DVD、又曾經為《週刊Young Jump》、《週刊Playboy》等雜誌推出電子寫真，發展算係相當順利。而佢成功冒起嘅關鍵，當然就係163cm身高配上35吋豐滿上圍嘅好身材，而且「桜木美緒」相當貪食，甚至拍寫真之前都忍唔住要去食燒肉，所以就有大家眼見嘅呢副肉地Body。至於係咪去到「動漫系」嘅程度啦喎，我諗就要大家自行決定啦！

IG：_iammio__