如果有個OL辭職走去做寫真女星，本身就已經係一件充滿話題嘅事；而如果呢個OL工作嘅仲係知名成人用品店，明明諗落就無咩實際意義，但唔知點解成件事睇落就令人興奮十倍。如果你都有同樣諗法，咁今晚要介紹呢位舊年從「M's」辭職進軍Cosplay及寫真界嘅「真中つぐ」，就應該會令你好開心啦！

大家去秋葉原旅行時，有無印象秋葉原站電氣街南口行出些少，有棟鋪面好窄但好多層、以淺綠色為主調嘅成人用品店？無錯啦！嗰間嘢就係「M's」啦！而「真中つぐ」其實就曾於「M's」入面做三年公關。據佢早年接受訪問時提到，中學時嘅佢其實一直都係打籃球為主，對ACG文化毫無認識。後來因為有朋友推薦佢去睇《銀魂》，又帶佢去參加集英社主辦嘅「Jump Fest」先將佢成功推入坑，畢業後更開始平日返工週末去參加Cosplay活動，更唔理家人反對辭職去女僕Cafe打工。

後來輾轉之下佢見到心儀多年嘅「M's」門口貼出招聘啟事，就去見工做公開，結果成功應徵，並一直做到2024年年底先辭職，全面進軍Cosplay及寫真界。

其實從「第一次睇嘅漫畫係《銀魂》」、2024年辭職之前做過至少5、6年嘢，你就已經估到「真中つぐ」肯定唔係十八廿二。事實上有關佢嘅介紹亦一直隱藏其出生年份，似乎亦證明佢年紀有返咁下。但人哋「中年再就業」而且係全職做Coplayer、拍寫真，本身就已經值得尊敬；再加上撞有8頭身優美比例嘅佢又的確散發住成熟女性先有嘅魅力，就值得大家愛戴！希望佢未來都可以有更多工作機會、有更多作品畀大家欣賞啦！

IG：tugu_ms