由細到大，父母又好，老師又好，政府宣傳廣告都好，一律教我哋做人要有愛心，對不同種族的人、有身體殘疾的人，都要一視同仁，彼此互助互愛，Blahblahblahblahblah……但老老實實，人就係有偏見，見到「異於常人」的人類，都好似見到怪物咁，投之側目，就算把口唔講，其實呢種目光，都足以刺痛人心。

俄羅斯就有一名18歲少女Nastya Kumarova，雖然天生美麗動人，但因為患有白化症，擁有純白色的頭髮同眼睫毛，讓佢飽受旁人歧視的眼光。

白化症其實係由於體內缺乏色素，造成眼睛呈現紅色，毛髮、皮膚呈現白色狀態。除了人類，魚類、兩棲類、爬蟲類及鳥類都有白化症的情況，但因為容易受到陽光灼傷及天敵捕食，所以白化症動物喺野外極為罕見。

Nastya唔單只有白皙的肌膚，全身的毛髮都係純白色，所以從小就常常被人以異樣眼光看待，甚至冷嘲熱諷。不過正正因為佢擁有宛如雪國精靈的夢幻外貌，所以先獲得青睞，如今更成為出色的模特兒。

由於Nastya熱愛日本文化，包括動漫、Cosplay，以及音樂等，亦令佢擄獲不少日本民眾的心。Nastya的出現，不單令人驚豔，白化症原來可以如此美麗，仲令更多網友更加關注白化症人士的問題，藉此改變大眾對於特殊疾病的異樣眼光。