「五十隻馬」差少少就拍AV的Cosplayer 「牛島良肉」

文：MenClub 魏文青　　
POSTED ON 21 Sep 2015

之前文青喺「其賽Cosplay女又有咩好怕喎」一文中都講過，世人對Cosplay嘅女仔有太多誤解。好多人都覺得佢哋鬼五馬六、標奇立異，甚至有人覺得係啲唔吸引嘅女仔先會去玩Cosplay。少年你就真係太年輕啦，你唔知日本有個好出名嘅Cosplayer叫「五十隻馬」咩？

點解有人會改個咁奇怪嘅名？因為個名根本就唔係佢改嘅！呢個日本Cosplayer叫做「うしじまいい肉」，變成漢字就係「牛島良肉」(雖然都唔正常得去邊)，因為「うしじま(U Shi Ji Ma)讀音同國語嘅「五十隻馬」好似，於是就成為佢喺台灣嘅花名。自學生時代就鍾意ACG嘅佢於2006年開始Cosplay，又因為自己鍾意睇成人漫畫，於是建立出以「露」為主嘅Cosplay風格。

唔好睇佢身材平平無奇就以為佢露咗都冇人睇。事實上「五十隻馬」從來都唔會隱藏自己係「貧乳」嘅事實，甚至會將佢當成一種特色黎包裝，再加上一個中秋一樣嘅Pat Pat，同引人遐想嘅姿，其實真係幾吸引……

更把炮嘅係佢近年創立咗專為貧乳女性而設嘅衣服品牌「PredatorRat」。產品除咗有正正常常嘅男女T恤之外，最多嘅就係以下呢埋極極極慳布嘅女裝內褲系列。個感覺就同條「包J泳褲」差唔多。

睇到呢個位，大家又係時候問：「咁佢幾時下海呀？」答案係佢差啲就下咗架啦！連作品封面都出埋添！

咁差咗啲咩？就係差在個封面係假嘅。呢個封面係SOD旗下片商「Prestige」喺4月1日公佈，換言之係今年嘅愚人節產物之一。不過最有趣嘅係當日被呃嘅日本網民，反應非常一致地講「終於」，而唔係「竟然」。換言之喺佢哋心目中，「五十隻馬」會下海拍AV只係時間問題。咁又唔怪得人嘅，因為佢過去出過嘅寫真DVD，都真係只差一點點就變AV啦嘛！

一個尺度咁寬嘅女仔，你真係覺得唔吸引？真係冇興趣？冇你就唔會睇到尾啦係咪？
圖片:ertk.net うしじまいい肉 on Twitter Predatorrat