靚人二十面相台灣女神樂芙

文：MenClub 魏文青　　
POSTED ON 23 Jul 2016

依家啲傳媒(OK，包括我哋)介紹靚女嗰陣，通常都會話呢個女仔係「瘦版XX」、「大波版YY」，一來係用呀XX同YY嘅名氣黎吸引你，二黎其實都係因為個新女仔冇咩特色，所以就唯有創造一啲記憶點等啲觀眾讀者記得佢。所以作為一個女藝人，畀人話似另一個女藝人，其實唔係啲咩好事。但今日要介紹嘅「樂芙」就唔同，因為佢唔係似一個人咁簡單，而係似成十幾廿個靚女！

其實喺之前嘅「台灣大數據十大人氣車模」中，樂芙就曾經「驚鴻一瞥」過。出身自台灣職棒「桃猿隊」的啦啦隊「LamiGirls」，後來就單飛發展。目前就活躍於各大展場、活動，亦時不時登上各大綜藝節目。而且雖然佢係一個不折不扣嘅靚女，樂芙喺鏡頭前又非常有喜感，亦曾經拍過唔少搞笑短片，所以非常有觀眾緣！

樂芙嘅另一個特色，就係歷年黎佢曾經被人話似N個台灣女星，例如近日樂芙又登上台灣討論區，就被人話似另一個女藝人「邵庭」。而樂芙本人都喺Facebook分享咗篇文，話自己除咗被人話似邵庭，仲有安以軒、大S、Janet、吳亞馨、關之琳、陳妍希、徐若瑄、簡嫚書、綾瀨遙等等等等。！唔知仲以為佢係江戶川亂步筆下嘅「二十面相」添呀！

不過計我話，一個人能夠似足咁多個靚女都可以算係一項成就！加上樂芙喺早幾個月嘅網上選舉中獲選為「網絡HOT女神」嘅第九位，可見人氣都有一定程度。所以睇黎好快就有「XX版樂芙」出現啦！
樂芙　Love on facebook 部份圖片來自：mobile01