- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
搵嘢食嘅心態係咁：硬係本地薑唔辣，明知附近有間正嘢，住咗十幾年都懶得幫襯，係要有咁遠去咁遠，MenClub有同事，星期日朝早要揸車去鹿頸食碗麵，話嗰度個妹妹靚喎！ 住新界，一放假就仆出九龍港島食食食；住巿區，周末周日就殺入新界。 OK！先招呼你班巿區友，今次特登行遠啲，去新界西北。 Mean娜今次派出為食小隊，搜查新界西北有咩好食！第一站～元朗！ Mean娜已經介紹過好幾次元朗食肆，上次講完七十一肥仔記，收到唔少PM同email畀貼士我，有啲仲講到「不吃不可」，咁肉緊，睇過！ | |
| |
先同大家去過橋麵檔。 | |
| |
過橋麵檔一睇就知係Sell麵啦！但其實識食嘅唔會喺度食麵，而係食霸王雞！ 霸王雞 半隻 $96 | |
| |
| 霸王雞肉質嫩滑，上面仲鋪滿蔥粒同炸蒜粒，非常惹味。不過雞肉味道偏淡，重口味人士可能會覺得唔夠入味。 | |
| |
另外試咗小食——炸魷魚鬚 $33 炸魷魚鬚超大條！而且炸粉唔厚，真係食到啖啖魷魚肉，OK喎！ | |
| |
最後飲埋呢杯海鹽柚子話梅七喜 $22 味道又咸又甜，都幾特別，不過話梅味唔夠出，柚子味又太濃，又點兒甜過頭，但都算清新解喝。 | |
| |
過橋麵檔 早排見番幾個大學同學，好多都殘咗，梗係啦，日日O到十點十一點，有時又通宵睇波，再加上冇同屋企住，冇機會飲媽子靚湯，就算阿媽得閒煲，自己都要應酬，真係就唔到時間返去飲，陰公豬啊。所以遇到啱嘅飲湯食肆，不妨補補。 | |
| |
| 老廣靚湯唔係淨係滾湯咁兒戲，望望餐牌，十個有八個都係燉湯，火喉十足！唔知要飲邊款湯，佢仲有埋建議畀你，講埋功效過你知。 | |
| |
男女老少、四季皆宜之選︰川貝雪梨燉湯 $48 喜歡飲甜湯的話，不妨考慮川貝雪梨燉湯，一上枱，就聞到好香南北杏味，雪梨大大嚿又軟身，加埋湯水一啖食落肚，清甜又潤喉。 | |
| |
阿膠烏雞燉湯 $62 同Honey嚟，識做嘅，當然要幫佢點個女士養顏靚湯。阿膠烏雞燉湯可以滋補肝腎、活血養顏、潤澤肌膚，係女人聽見都心動。 | |
| |
人參椰子燉湯 $59 椰子燉湯真係冇得輸，淨係睇佢成碗湯都係椰子，就知佢材料十足。濃濃的椰子香甜味，加上人參獨有的味道，每一啖都又潤又補。 | |
| |
老廣靚湯 大家生日嘅時候總會食到蛋糕，而且啲款仲有咁靚得咁靚。元朗就有間略有名氣的諾亞半熟蛋糕專門店，佢嘅蛋糕其貌不揚，甚至可以話有啲醜怪，但偏偏個個都話非常好味，係咪咁勁先？ | |
| |
諾亞半熟蛋糕專門店最出名係蜂蜜半熟蛋糕 $75，另外Mean娜仲叫咗比利時朱古力芝士蛋糕 $98 | |
| |
| 先試蜂蜜半熟蛋糕，雖然個蛋糕成個凹入去，外表並唔討好，但食呢家嘢，味道晒重要！切開軟綿綿的蛋糕，裡面嘅蜂蜜就流晒出嚟，怪唔得有流心蛋糕之稱。蜂蜜半熟蛋糕非常清新，而且蜂蜜味道唔太甜，剛剛好，一個人食晒成個都唔會覺得太膩。 | |
| |
| 然後係比利時朱古力芝士蛋糕，面層的比利時朱古力香濃幼滑，朱古力的苦澀與甜味平衡得好好，但食到蛋糕中心部分，咸咸的芝士味道則蓋過了朱古力味，令整個蛋糕味道不太融和，彷彿分開了兩層味道。 | |
| |
諾亞半熟蛋糕專門店 Noah Castella 老土啲講句，緣份嘅嘢，有時真係天注定。當日採訪途中，突然落起大雨，於是Mean娜同攝影師就衝入阿茶茶。館，打算避雨加食個下午茶。本來呢間Cafe唔喺採訪List內，但出乎以料地，為食搜查小隊喺阿茶茶。館搵到無限驚喜！決定將呢間Cafe介紹畀大家。 | |
| |
| 先講講環境，阿茶茶。館地方雖小，但佈置非常精緻，有點英式味道，畀人一種舒服的感覺。 | |
| |
同行成員先點了一份All Day Breakfast $88（炒雞蛋、波多貝羅蘑菇、煎蕃茄、焗豆、麵包、煙肉、煙火腿以及肉腸） 基本上醃製食物的味道，大家都想像得到，想稱讚的是，炒雞蛋及波多貝羅蘑菇都做得好好，保留到滑溜同Juicy。 | |
| |
到Cafe的重點！！就係甜品喇！！ 雖然大部分男士都唔好甜品，不過同行的男男女女，都一致認為阿茶茶。館的甜品非常出色。 呢個蜜糖香蕉法式薄餅 $48，連唔喜歡香蕉的Mean娜都覺得好好味。法式薄餅香口，而且脆卜卜，蜜糖增加了香蕉的甜味，同時中和了香蕉本來的獨有味道，感覺更易入口。 | |
| |
| 法式焦糖燉蛋 $32 表皮烤得香脆，裡面則滑溜Creamy，而且甜度適中，亦有陣陣蛋香。 | |
| |
| 焗蘋果批 $36 絕冇揸流撻，每啖都有蘋果肉及肉桂香，批皮亦夠鬆脆，中間部分則非常軟綿，十分好食。 | |
| |
除了甜品，阿茶茶。館的飲品都好特別。 就好似呢杯巧克力棒配熱鮮奶（原味） $40 ，就玩得又飲得。先將巧克力棒放入熱鮮奶中，然後等佢慢慢溶化，最後就會變成一杯濃郁厚實的熱朱古力奶，比起坊間的熱朱古力奶，口感及味道都更實在。 | |
| |
| 另外阿茶茶。館都提供多款英國茶。呢個倫敦塔 $36 個名好威，但原來味道係行清香路線，有淡淡的花味，配埋甜品一路品嚐真係冇得彈。 | |
| |
阿茶茶。館 Achacha Cafe & Bistro 之前介紹過紅磡的熱溶芝士熱狗，今次就介紹元朗一間新開的8寸長熱溶芝士熱狗——J大大。 | |
| |
| J大大嘅熱狗足足有成8寸長，佢哋嘅香腸同熱狗包都要特登訂製。咪以為咁大條熱狗會好貴，佢嘅8吋原味熱狗 $23，加埋煙肉碎芝士都只係$5，如果要加熱溶芝士就$8，抵丫！ | |
| |
J大大 最後就係永年士多。唔好以為呢間士多係賣零食同汽水，其實佢係食車仔麵，店舖格局仲好新穎添。 | |
| |
| 食得辣嘅朋友，一定要試試佢嘅辣汁，夠辣之餘仲好惹味，簡直係鎮店之寶。 | |
| |
| 配菜方面，網上食評都好推薦流心蛋同豬腸。不過同行成員就覺得，流心蛋感覺只係半熟烚蛋，冇太大特別。 | |
| 至於豬腸，佢所揀的係瘦腸，好入味，都算唔錯。 | |
 | |
| 永年士多 地址︰元朗教育路88號寶城洋樓地鋪2-4號 電話︰2477 3816 營業時間︰星期一至日: 12:00-22:00（晚上9時30分為最後落單） 價錢︰$50以下 |