火箭球星James Harden今季場均可以取得36.9分，毫無疑問將會連續第二年奪得常規賽得分王寶座，並且好大機會蟬聯MVP。而Harden其中一招進攻殺手鐧就係後撤步Step Back，呢招能夠為佢大大增加投籃空間，再結合其三分球能力，令佢嘅得分予取予攜。

場均36.9分係咩慨念？唔好計張伯倫同Bill Russell嘅上古時代，NBA歷史能夠常規賽場均達到36.9分嘅，除左Harden就只有一人，佢就係「籃球之神」Michael Jordan。Jordan曾喺1986-87球季場均取得37.1分，呢次係Jordan生涯賽季場均得分最高嘅一季。

對於如今嘅Harden得分無解，傳奇球星「天勾」Jabbar亦對Harden嘅實力表達了肯定，不過佢卻認為Harden嘅招數喺佢嘅時代將變得毫無作用。

「天勾」表示：「Harden的確好出色，佢好識利用規則。喺如今呢個時代，無論係防守投籃還是突破，防守球員都唔可以同進攻球員有太多接觸，所以Harden好清楚並利用呢一點。但喺我打球那個年代，Harden咁樣做就毫無作用。因為防守球員會對你進行緊貼式防守，並且會用各式各樣嘅身體接觸黎對你進行干擾。」

確實喺「天勾」嘅年代，NBA仍然非常重視防守，球員可以Hand-Checking，就算有好強嘅身體碰撞都唔會輕易吹罰，因此Harden嘅強項將難以喺那個時代發揮。不過，始終時代不同好難比較，「天勾」嘅講法可能係岩，但難以作對比。