《輝夜姬想讓人告白》全名係《輝夜姬想讓人告白~天才們的戀愛頭腦戰~》（日語：かぐや様は告らせたい〜天才たちの恋愛頭脳戦〜），佢係日本漫畫家赤坂アカ所創作嘅校園漫畫作品，現於《週刊YOUNG JUMP》2016年17號上連載中。呢套漫畫故事係講述菁英學校「秀知院學園」嘅學生會副會長四宮輝夜同會長白銀御行對彼此都有好感，但兩人嘅自尊心都唔允許自己向對方告白，兩人都認為自己只要先告白就會輸，所以每日都諗點令對方先向自己告白。

而早前MenClub已經同大家介紹過，官方宣布將《輝夜姬想讓人告白》真人電影化嘅決定，當中令人注目嘅係橋本環奈將會擔任女主角，另外仲會同平野紫耀一齊領銜主演，由德永友一負責劇本。自從《銀魂》電影一出，橋本環奈就變成顏藝搞笑美女，唔少網民都表示相當期待睇佢演繹輝夜姬一角，想睇下佢嘅顏藝會唔會有新突破！

最近官方就釋出第一彈預告影片，雖然當中未見識到橋本環奈嘅演技，但單係望住佢可愛嘅樣貌，經已相當吸引！一齊睇過！