大家砌Lego通常係跟住份說明書砌，唔跟說明書隨心所欲咁砌已經係高手啦，咁再高手啲會做啲咩？好似呢位「Iyan Ha」咁，就會將啲Lego人仔做改裝，最新就改咗堆高達出黎！

Iyan利用Lego啲人仔，改出一年戰爭嘅一系列機體，由聯邦嘅高達、鐳射大炮、太空坦克、吉姆，到自護嘅馬沙專用渣古、渣古、大魔、魔蟹、魔霸甚至連冇腳嘅自護都有，而且還原度相當高，亦充滿細節，如果Lego真係出一定賣斷市。

事實上Iyan嘅改裝亦唔係只限於一年戰爭，睇佢IG就會見到佢其實係整咗個大型高達宇宙場景，當中仲有Z高達嘅改裝人仔，甚至連GP03等大型機體都有！

你唔鍾意高達？唔緊要，Iyan亦有整過以三國志、變形金剛、Iron Man、鐵達尼號甚至羅密歐茱麗葉為主題嘅作品，大家想睇真啲就要去佢IG睇下啦！