現年35歲嘅「大帝」LeBron James仍然保持NBA最頂級嘅水平，唔少人都歸功於其健康餐單或健身日程。不過，作為LeBron小弟及前隊友嘅Tristan Thompson卻大爆LeBron每日嘅飲食餐單根本就亂來的。

Thompson日前接受訪問講到有關LeBron嘅餐食，佢一黎就叫記者叫對方每日早餐食咩，Thompson話：「LeBron早餐食5件沾滿士多啤梨及香蕉醬嘅法國多士，之後再食加左4隻雞蛋嘅煎蛋捲，然後佢就可以於任何人頭上完全入樽，這毫無道理可言。」

LeBron並無因為Thomson口中嘅飲食餐單影響其表現及生涯，佢仍然後係NBA最出色嘅球員之一，又以高齡與湖人簽下一份4年天價合同。

Thompson又指：「LeBron每餐都會食甜品，但又係突然連續一星期食素食，完全無條理的，但佢嘅身體就係可以燃燒多餘嘅脂肪。」

Thompson又指自己曾跟LeBron嘅餐單，但結果並無成效，甚至導致體重過高，總之LeBron嘅餐單好似只係對LeBron一人有作用。

雖然聽Thompson講LeBron嘅餐食習慣並無想像中咁節制，但實制上LeBron嘅訓練量卻超乎想像的，佢甚至願意於健身花費不菲，好似訓練師、廚師、按摩師等等，因此配合起上黎可能就令LeBron可以放肆食自己鍾意食嘅野啦。